Churikua anapu xanhariti
Churikua anapu xanhariti
Xú jaraskani in iretarhu
Kápinku xanharaxaka
Foskuchani eranchiapani
Miantapani iamindu ambe enga xú ukuarhika
Juateecha patsasïnti erátsikuechani
Engaksi achamasïcha jatsik’a miantani
Ka ambechi úa jurak’uni juchári p’ikuarherakua.
Itsiarhu isïchi jamani
Tanpirantanchi iamindu achamasïcha
Ka terukutantanchi juchari eratsikua
Mak’u úntani juchari irekuechani.
Ambeteruchi jatsi eskachi juchak’u uariperaka
Parakpini k’amarhaxati
Anhatapucha ka tsipitiicha atanaxati
Ka engaksi kamarhaskia juchat’uchi ambeteru jahua
Markuskachi in parakpini jimbo.
Auanda xáni k’ésti
Eranchiapani tsanharini
Ka xeani foskuchani
Engatsi pambitaka menku isï.
Ji jindéska karari ma
Enga exeka in parakpini
Ka xanárani tsípipani
Jakajkusinga eska iámindu ambe sési jantaka;
Pirericha ka uararicha otasteru miantapani
Chumani juchári jakajkukuechani.
Jindeskachi xanharaticha
Engachi nirani jaka
Jiní engachi nóteru k’uanatsiaka
Ka jurak’uakachi juchari eratsikua ka uandakua.
Churikua anapu xanhariti
Churikua anapu xanhariti
Xú jaraskani in iretarhu
Kápinku xanharaxaka
Foskuchani eranchiapani
Miantapani iamindu ambe enga xú ukuarhika
Juateecha patsasïnti erátsikuechani
Engaksi achamasïcha jatsik’a miantani
Ka ambechi úa jurak’uni juchári p’ikuarherakua.
Itsiarhu isïchi jamani
Tanpirantanchi iamindu achamasïcha
Ka terukutantanchi juchari eratsikua
Mak’u úntani juchari irekuechani.
Ambeteruchi jatsi eskachi juchak’u uariperaka
Parakpini k’amarhaxati
Anhatapucha ka tsipitiicha atanaxati
Ka engaksi kamarhaskia juchat’uchi ambeteru jahua
Markuskachi in parakpini jimbo.
Auanda xáni k’ésti
Eranchiapani tsanharini
Ka xeani foskuchani
Engatsi pambitaka menku isï.
Ji jindéska karari ma
Enga exeka in parakpini
Ka xanárani tsípipani
Jakajkusinga eska iámindu ambe sési jantaka;
Pirericha ka uararicha otasteru miantapani
Chumani juchári jakajkukuechani.
Jindeskachi xanharaticha
Engachi nirani jaka
Jiní engachi nóteru k’uanatsiaka
Ka jurak’uakachi juchari eratsikua ka uandakua.